Primeiru Ministru Interinu, Mariano Assanami Sabino hatete, inan-aman povu Timor- Leste tomak, horikalan rona kedan notisia ne’ebé tristeza tebes.
“Ita hotu ita lakon ita nia lutadór (Francisco Guterres Lú Olo”), ne’ebé hakotu iis iha Malázia, nu’udar Primeiru Ministru Interinu hamutuk ho Ministru, ita hotu sei halo luta nasional ba loron hitu, orsida 10 oras meia ami sei halo reuniaun konsellu ministru estraordinaria dekreta,” Dehan Assanami liu husi Konferensia Imprensa, iha Palasiu Governu, Segunda (22/06).
“Ita hotu sente lakon ita nia kompratiota, ita nia kamarazen, ita nia komandante no Governu ho lideransa Ministru ni’an atu organiza Voo espesial, aban sei to’o iha ne’e, ita uza ita nia aviaun Areo Dili ne’ebé uza mós ita nia bandeira, mais ne’e aluga espesial, ema seluk la sa’e, so de’it mate-isin hamutuk familia,”.
Reprezenta nono governu konstituisional hato’o kondolensia kle’an ba famila, familia partidu partidu FRETILIN no povu Timor-Leste.
“Ita hotu sente lakon no ita hotu nia orasaun importante. Oan sira atu mantein firme estuda no aprende nafatin hakat ita Aman nia ain fatin, korajen ba familia, ita hotu halo orasaun akompaña maun Lú nia klamar ba na’I maromak nia sorin kuana,” Nia hato’o.
