“Hafoin halo análize ba aprezentasaun husi Pontu situasaun epidemiolójika nasionál, husi Sala Situasaun Sentru Integradu Jestaun Krize, Konsellu Ministrus delibera atu propoin ba Sua Eselénsia, Señor Prezidente Repúblika, Francisco Guterres Lú Olo, ba renovasaun estadu emerjénsia, ba loron tolu-nulu tan,”dehan Ministru Prezidensia Konsellu Ministru Fidelis Leite Magalhães iha konferensia imprensa, iha Palasiu Governu, kuarta ohin (23/06).

Nune’e, hodi atende ba evolusaun preukupante situasaun epidemiolójika no proliferasaun kazu rejistadu husi kontájiu Covid-19, ho hanoin atu evita no neutraliza risku propagasaun sira husi SARS-CoV-2, atu bele proteje saúde públika no kapasidade resposta ba Sistema Nasionál Saúde.

Tanba ne’e, Governu propoin ba Prezidente Repúblika katak, ho renovasaun estadu emerjénsia, atu permite suspensaun no restrisaun ba direitu no garantia fundamentál balun.

Enkuantu, molok ne’e Prezidente Repúblika prolonga estadu emerjensia ba dala-14 hahú iha loron 2 fulan-Juñu no sei termina iha loron 1 fulan-Jullu.

Asistente Editor: Saturnina da Costa