Roo ne’e ho kapasidade 250 GT, tuir projetu ne’ebé aprezenta husi Sekretáriu Estadu Peska, Elídio de Araújo.

“Akizisaun ba roo hirak ne’e hakarak kontribui ba dezenvolvimentu iha setór peska nasionál no ho objetivu prinsipál atu hasa’e kuantidade ikan ne’ebé peska, hamenus presu ikan iha merkadu nasionál, hametin soberania marítima nasionál, hapara peska ilegál no asegura utilizasaun rekursu peskeiru ho forma responsavel no sustentavel ba futuru,”dehan Ministru Prezidensia Konsellu Ministru Fidelis Leite Magalhães, iha konferensia imprensa iha Palasiu Governu, kuarta ohin (23/06).

Entretantu, molok ne’e Diretor Jeral Peskas, Akasio Guterres hatete, roo rua ne’e ho kapasidade 250 toneladas no sei involve peskador Timor-Oan, nune’e kada pakote roo sei tuir treinamentu.

“Ita sei servisu hamutuk ho Sekretariu Estadu Profesional no Empregu (SEFOPE) hodi rektuta joven sira ne’ebé iha talentu peskas nia atu bele fó treinamentu ba sira,”dehan nia iha knar fatin (12/06).

Nia hatutan, ba ema ne’ebé atu lori roo ne’e tenki tuir treinamentu to’o hetan sertifikadu internasional atu nune’e bele iha kapasidade ne’ebé klean hodi lori roo lao dook.  

Asistente Editor: Saturnina da Costa