Enkuantu, Governu foti desizaun ne’e tanba haree ba kazu positivu Covid-19 komesa sae makas
“Konsellu Ministrus delibera hodi aprova projetu Rezolusaun Governu ne’ebé impoin serka sanitária iha área sira ne’ebé abranje husi Suku Naimeco, iha Postu Administrativu Pante Makasar no husi Suku Bobometo, iha Postu Administrativu Oesilo, postu administrativu rua ne’e iha Rejiaun Administrativa Espesiál Oekuse Ambenu, hahú oras 00:00 loron 5 fulan-Agostu tinan 2021 to’o oras 23:59 loron 18 fulan-Agostu tinan 2021,”dehan Ministru Prezidensia Konsellu Ministru Fidelis Leite Magalhães, iha Palasiu Governu, kuarta ohin (04/08).
Nune’e, bandu sirkulasaun ema sira-nian entre Suku sira ne’ebé temi no sirkunskrisaun administrativa sira-seluk, exetu iha kazu hirak ne’ebé nia fundamentu forte tanba razaun seguransa públika, saúde públika, asisténsia umanitária, manutensaun ba sistema abastesimentu públiku ka razaun seluk ne’ebé presiza atu hala’o ba interese públiku nian.
Enkauntu, la inklui iha proibisaun sirkulasaun ida-ne’e indivídu sira ne’ebé komprova vasinasaun kompleta (doze rua) kontra Covid-19 no mós labarik sira ho idade tinan 6 mai kraik ne’ebé akompaña indivídu sira ne’e.
Ho nune’e, tuir dadus komulativu kazu konfirmadu iha RAEOA hamutuk 38, rekuperadu na’in 32, kazu ativu hamutuk na’in 6.
Asistente Editor: Saturnina da Costa
