Nia dehan, dehan kona-bá pagamentu ba benifisiariu husi Suku Fatuhada nian, realiza hamutuk ho Suku Kampung Alor, iha Sede Suku Kampung Alor.
“Pagamentu ba benifisuriu agora iha sistema rua, balun ne’ebé loke ona rekening sira nia osan sei tranfere direita, ba sira ne’ebé uza ATM, kada fulan-tolu foti dala ida, ida fali uza de’it rekening ne’e sira bá forma iha BNCTL, mais agora antri no pesoal pagamentu husi BNCT agora la’o hela. Nune’e, Suku Fatuhada ho Kampo Alor hamutuk iha fatin ida de’it, iha Sede Suku Kampung Alor,” dehan Xefe Suku ba Jornalista INDEPENDENTE iha nia knaar fatin, Segunda (07/10).
Autoridade Lokal ne’e afirma, ba benifisiariu sira ne’ebé la’o ladi’ak ka labele la’o ona, BNCTL hamutuk ho autoridade lokal tun direita hodi halo pagamentu iha sira nia hela fatin.
Enkuantu, pagamentu ba benifisariu idozus ho defisiensia sira iha Suku Fatuhada no Kampung Alor hala’o ona iha loron 18 to’o 19 fulan-Setembro tinan ne’e.
Entertantu, benefisiariu na’in 360 ne’e, kompostu husi aldeia 01 na’in 48, Aldeia 02 na’in 58, Aldeia 03 na’in 101, Aldeia 04 na’in Aldeia 72 no Aldeia 05 na’in 81.
