Hafoin rona aprezentasaun husi Sala Situasaun Sentru Integradu Jestaun Krize (SIJK) kona ba Pontu situasaun epidemolojia iha Timor-Leste.

“Konsellu Ministru aprova ona projetu Rezolusaun Governu ne’ebé mantein impozisaun serka sanitária iha Munisípiu Baucau ba loron hitu tan,” dehan Ministru Prezidensia Konsellu Ministru, Fidelis Leite Magalhães, iha Ministeriu Finansas Aitarak-Laran, Dili, kuarta ohin (09/06).

Aliende, impozisaun serka sanitária iha Munisípiu Bobonaro,  Dili no Covalima kontinua vigora.

Entretantu, Konsellu Ministrus desidi mós la renova impozisaun serka sanitária iha Munisípiu Vikeke.

Governante ne’e  akresenta, Konsellu Ministru deside la renova serka sanitaria iha Munisipiu Vikeke, tanba haree ba kazu Covid-19 hahú menus iha Munisipiu refere.

Nune’e, nafatin bandu sirkulasaun ema sira nian entre Munisípiu Baucau no sirkunskrisaun administrativa sira-seluk, exetu iha kazu hirak ne’ebé nia fundamentu forte tanba razaun seguransa públika, saúde públika, asisténsia umanitária, manutensaun sistema abastesimentu públiku, ka razaun seluk ne’ebé presiza atu hala’o ba interese públiku nian.

Asistente Editor: Saturnina da Costa