Projetu Dekretu lei ne'e aprezenta husi Ministru Ensino Superior Siensia no Kultura (MESSK), Longuinhos dos Santos.

“Projetu dekretu lei ne’e, propoin alterasaun rejime jurídiku lubuk ida ba kareira dosente Universitária iha Timor-Leste ho hanoin atu kontinua hadi'a, maibé mantein bebeik bazeia ba prinsípiu bazilar méritu nian iha ezersísiu atividade dosente, ne'ebé ligadu ba investigasaun, dosiénsia no kontribuisaun ba dezenvolvimentu sosiedade,” dehan Ministru Prezidensial Konsellu Ministrus, Fidelis Leite Magalhães.

Nia Hatutan, entre alterasaun sira ne'ebé prevee iha dekretu lei ida ne'e, destaka kriasaun ba nivel foun rua iha kategoria rua ne'ebé la hanesan (B3 NO C1 +), ajustamentu ba kréditu sira entre kategoria B3 no C3, garantia katak, sei konsidera kréditu sira hotu ne'ebé hetan hahú kedas omologasaun kareira nian to'o agora, diminuisaun ba númeru tinan esperiénsia ho abilitasaun nian hodi bele progride iha kareira, hanesan, tinan lima ba de'it tinan ida  no distinsaun entre dosente sira kareira nian no dosente kontratu sira.