Projetu proposta dekretu lei ne'e, aprezenta husi Ministru Prezidénsial Konsellu Ministrus, Fidelis Manuel Leite Magalhães.
"Governu hakarak ho projetu proposta lei katak Parlamentu Nasionál fó autorizasaun hodi fiksa limite idade, hanesan kauza atu remata kontratu serbisu iha administrasaun públika. Bainhira atinje limite idade, funsionáriu públiku no ajente administrativu sira sei bele reforma no husu ninia pensaun vellise," dehan Ministru PrezidensiaL Konsellu Ministru, Fidelis Leite Magalhães iha Palasiu Governu, kuarta ne'e (06/07).
Governante ne’e hatutan, projetu proposta lei ida ne’e ho objetivu atu estabelese mekanizmu ne’ebé nesesáriu hodi permite rejuvenesimentu ka sai joven liu husi profisionál sira administrasaun públika nasionál nian, ne’ebé posibilita lori kompeténsia foun ba funsionalizmu públiku.
Enkuantu, renovasaun ba kuadru sira iha administrasaun públika hanesan medida esensiál ida atu asegura melloria servisu sira ne’ebé presta ba populasaun.
