“Makina braille ne’ebé oferese husi GIZ ne’e, atu hodi fasilita ba maluk defisiensia matan ne’ebé dadaun ne’e hala’o hela estudu iha Universidade Nasional Timor-Lorosae (UNTL),”dehan Diretór Ezekutivu ADTL, Cesario da Silva, iha Maskarenhas, Balide, kinta horseik (02/12).
Nia hatutan, ADTL sei falisilita ema ho defisiensia matan atu bele asesu, tuir planu ADTL nian ho dekretu lei ministerial no mós politika sira ne’ebé aprova ona hodi publika iha jornal republika.
Tanba ne’e, Diretór Ezekutivu espera, apoia sira ne’e bele fasilita komunikasaun diak ho ema ho defisiénsia sira.
Entretantu, GIZ Country Coordinator, Rainer Schellhaas, hatete, apoia ne’e hanesan parte ida hodi kontribui ba sosiedade.
Nia hatutan, kooperasaun entre GIZ ho Governu Timor-Leste, hahú durante tinan 20 ona. Nune’e bao in sira kontinua apoia sosiedade no mós ema ho defisiénsia sira.
Enkuantu, tuir dadus, total ema ho defisiénsia matan iha Timor-Leste hamutuk rihun 14.
Asistente Editor: Saturnina da Costa
