Xefe Estadu hatete, iha 2019 simu konvite husi Papa Francisco atu hola parte hanesan membru painél jure ba primeiu fraternidade umana ne’ebé inisia husi Papa Francisco no Ahamad Al-Tayyib, Grand Imam de Alazar Caero.
Nia hatete, iha misaun sira ne'ebé Xefe Estadu lori durante hanesan membru painél dokumentu fraternidade umana nian, sai hanesan responsabilidade boot ida ba promove pás mundiál.
Nune'e, respeitu ba lider boot na'in rua husi Igreja Katólika no Muslumanu ne'ebé ho esforsu tomak hakarak konsolida no promove fraternidade umana ba mundu.
Tanba ne'e, haree ba koerensia istória Timor-Leste nian, timoroan hotu iha responsabilidade no komprimisu atu lori misaun ida hodi konsolida pás ne'e hatudu iha loron dahuluk restaurasaun indepedénsia Timor-Leste nian iha 2002, iha ne'ebé Estadu Timor-Leste asina no ratifika dokumentu sira ka instrumentu sira direitu umanu nian.
Nia hatutan, liga ho dokumentu fraternidade umana bainhira remata misaun iha Abu Dhabi fila mak Timor-Leste konvoka kedas reuniaun ho lider relijiaun sira iha Timor-Leste hodi entrega kopia husi deklarasaun universál ba dokumentu fraternidade umana.
Molok tama ba eleisaun prezidensiál, ko'alia mós Prezidente Parlamentu Nasionál, hodi ko'alia oinsá Timor-Leste bele ratifika dokumentu fraternidade umana hodi adopta nu'udar dokumentu nasionál, ne'ebé ikus mai Parlamentu Nasionál ratifika hodi proklama.
"Espera katak, iha sekuensia sira tuir mai bele adapta dokumentu fraternidade umana ba kurikulum eskolar tuir nivél ne'ebé kada eskola iha, hahú husi nivél ensinu báziku ba to'o universidade," dehan PR Horta.
Tanba ne'e, agradese ba prezensa Vise-Primeiru Ministru Vatikanu ne'ebé halo lansamentu ba sentru fraternidade umana Timor-Leste no ida ne'e sai hanesan pasu dahuluk Timor-Leste nian atu implementa fraternidade umana.
Entretantu, Vise Primeiru Ministru Vatikanu, Edger Pena Parra hateten, iha okazisun ne'e ema ida-idak iha relijiaun ne'ebé iha muslumanu, kristaun no mós budistas no mós relijiaun sira hotu iha mundu tenke fó testamuña ba saida mak fiar, testamuña reál no verdaderu mak fraternidade umana.
Nia dehan, Fraternidade Umana tuir pontu-de-vista relijiaun mak ema hotu maun alin no Estadu Timor Leste hanesan país dahuluk ne'ebé proklama fraternidade umana no moris hamutuk ho fraterna. Iha oportunidade atu dezenvolve prióriedade sira ba oin ho sentidu ba finalidade ida seres umanus ninian.
Kona-ba, implementasaun ba dokumentu fraternidade umana la'ós nasaun boot ka kiik, importante mak iha vontade atu halo hodi implementa dokumentu fraternidade umana, nasaun segundu ne'ebé implementa mak Kazakistan.
