FFTL rejista ona jogadór diaspora na’in 15 reforsa Selesaun Nasionál Featured

By Vascolino Germano Agostu 04, 2025 78
Foto:Media FFTL. Foto:Media FFTL.

DILI: Federasaun Futeból Timor-Leste (FFTL) liu husi Diresaun Servisu Selesaun Nasionál  rejista ona jogadór diaspora na’in 15, hodi reforsa ekipa Selesaun nasionál feto no mane, hodi kompete iha eventu internasionál.

Diretór Servisu Selesaun Nasionál, João Maneco Soares Amaral hatete, dadaun ne'e jogadór diaspora na'in-15 mak mai reforsa selesaun nasionál, kompostu husi mane na'in-11 no feto na'in-haat.

Nia dehan, objetivu lori jogadór diaspora sira mai reforsa selesaun, tanba tuir regra FIFA ni’an ne’ebé iha no laiha violasaun regras ruma.

“Planu atu lori jogadór diaspora sira ne'e, ita halo atu oinsa reforsa ita nia ekipa ne'e, hanesan mos ho nasaun seluk halo, tuir artigu 11 FIFA nian, ne'ebé fo biban ba jogadór sira-ne'ebé iha raan ba nasaun refere, atu reforsa ekipa ida ne'e,” Informa João Maneco Soares Amaral, ba jornalista INDEPENDENTE, iha Xanana Sport Senter, Sesta (02/08).

Prosesu, nia esplika, jogadór sira ne'e  haruka sira nia cover letter no video jogu nian, depois mai halo aprosimasaun,  hafoin sira mai halo treinamentu ho ekipa, depois  mak treinadór deside.

“Tanba depois halo survei, ita mos iha jogadór diaspora  lubuk ida, tanba ne'e ami konvida sira no foti oportunidade hodi mai reforsa ekipa selesaun nasionál, maibé ita sei haree didi'ak hafoin bolu sira mai,”  Akresenta Maneco.

Aleinde ne'e, jogadór dispora na'in-15 mai reforsa ona selesaun nasionál kompostu husi selesaun nasionál no mos selesaun nasionál U-23, enkuantu iha nai'n rua mak sei hein atu joga iha fulan outubru.

Entetantu, jogadór sira ne'e kompostu husi feto na'in 4 no mane na'in 11, enkuandu jogadór feto na'in 4 mak hanesan, Jesica Soarea Faculto, joga iha Southampoton women's england, jogadór Monique da Silva,joga iha Alton City Australia, Grace Sim,joga iha Clifton Hill fc Austalia, no Emily Rutkowsky joga iha klubu victoria team, Australia.

Jogador mane, kompostu, Beckam Baker Soares joga iha Melbourni City Fc, Liam Farrugia de Oliveira joga iha Manninghan United Fc, Jonah Madeira joga iha Craigieburn Fc, Jackson Pereira no Nicholas pereira joga iha Sydney Olimpic Fc, João Antonio Rangel joga iha Lowestoft Town Fc, Reinu Unidu.

Jogadór  Aiden da Costa Pereira husi Australia, Dilan José Niski joga iha Mount Druit Australia,   Tristan Xavi joga iha Western Sydney.

Rate this item
(0 votes)
Last modified on Tersa, 05 Agostu 2025 10:37

Independente Digital TV

Follow us on Facebook

Kalendariu Notisia

« August 2025 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31