Ministru Juventude Desportu Arte no Kultura (MJDAK) Nelyo Isaac Sarmento hatete, tuir informasaun ne'ebé nia parte rona katak Jogadores husi nasaun Afrika, Ángola no Mosambique ohin lakonsege to'o iha Timor-Leste tanba faillansu iha aviaun, nune’e to'o iha dalan pillotu deside hodi fila-fali deit ba Ángola.

"Ita iha informasaun husi Ángola Afrika no Mosambique lolos ohin to'o ona iha ne'e meudia, maibé felizmente labele to'o tanba hodi kalan sira sai husi Ángola to'o iha dalan klaran hetan ganguan teknika, entaun pilotu foti desizaun hodi fila-fali ba Kapital Ángola. Entaun ohin delegasaun seidauk to'o hotu, maibé aban Portugál mak to'o uluk ona,”dehan Ministru Nelyo ba Jornalsita sira iha Palasiu Governu, Kuarta (16/07).

Governante ne'e hatutan, tanba ne'e Jogadores sira husi nasaun Afrika Ángola no Mosambique sei muda fali nia orariu vô nian no sei to'o iha Timor-leste iha sesta loron 18 fulan ne'e. tanba dadaun ne’e, kada nasaun sei kontaktu ba Kompañia Aero Dili no Citilink hodi bele halo mudansa ba sira nia billeti.

"Ha’u hanesan Prezidente Interministeriál no komisaun buka maneira hodi konfirma Aero Dili no Citilink atu bele fasilita buat ruma ba mudansa billeti sira bele fasilita hela tanba la'ós sira mak hakarak halo hanesan ne’e, maibé tanba faillansu iha aviaun entaun sira tenki muda fali orariu,”tenik Governante ne’e.

Enkuantu, tuir orariu, abertura ba Jogu desportiva CPLP ne’e sei hala’o iha loron 19 no sei remata iha 27 fulan-Jullu tinan ne'e.