Eis-Padre Daschbach Selebra Natal Dahuluk iha Prizaun Bekora

Novembru 24, 2024

Eis-Padre Daschbach Selebra Natal Dahuluk iha Prizaun Bekora ^Featured

By Saturnina da Costa Dezembru 31, 2021 564

Ministru Justisa (MJ) Manuel Carçeres hamutuk Diretór Jéral Ministeriu Solidariedade Sosial no Inkluzaun (MSSI), Rui Manuel Expostu, entrega premiu ba prizoneiru sira iha Prizaun Bekora. Foto: Saturnina/INDEPENDENTE.

DILI: Eis-Padre Richard Daschbach selebra natal dahuluk iha prizaun Bekora, hamutuk ho maluk prizoneiru sira, Ministru Justisa (MJ) Manuel Carçeres ho nia Vise, no reprezentante Ministra Solidariedade Sosial no Inkluzaun (MSSI).

Enkuantu, iha loron 21 fulan-Dezembru 2021, tribunal Oekuse deside pena prizaun tinan 12 ba Eis-Padre Richard Daschbach, tanba komete kazu abuzu seksual ba minoridade iha orfonatu Topu-Honis iha tinan 1990.

Nune’e, iha loron 22 Dezembru, Eis-Padre kumpri desizaun tribunal no hahú tama prizaun Bekora.

Entretantu, Diretór Estabelesementu Prizaun Bekora, João Domingos hatete, Eis-Padre Daschbach agora dadauk hela iha prizaun ho nia kondisaun diak deit, nune’e, nia mós asiste hela selebrasaun festa natal ne’e.

“Psikologikamente ita haree nia kondisaun diak deit,”dehan nia iha ambitu selebrasaun natal hamutuk iha prizaun Bekora, tersa foin lalais (28/12).

Tuir observasaun Online INDEPENDENTE, iha terenu nota katak, Eis-Padre ne’e mós asiste serimonia natal hamutuk ho maluk prizoneiru sira iha prizaun Bekora.

Nia kondisaun fiziku tuir idade ne’ebe avansadu ho nia isin kulit komesa namkurut ona.

Nia espresaun oin ladun konfortavel hatudu oin kamutis. Maski nunee nia ain sei forte hodi hakat.

Rate this item

(0 votes)