Diretór Serbisu Edukasaun munisipiu Vikeke, Emídio Amaral hateten, eskola refere kadeira no meza la sufisiente tanba estudante sira lorloron tenke tur hamutuk iha kadeira ida hodi tuir prosesu aprendizazen
"Iha eskola EBF Ualeque kadeira no meza la sufisiente. Entaun estudante na'in rua tenke tuur hamutuk kadeira Ida. Preokupasaun sira ne'e ita hato'o beibeik ona ba governu maibé to'o agora seidauk responde," nia hatete via telefone, Kinta (16/06).
Maske governu la responde maibe sira nafatin hato'o atu nune'e labele fó impaktu ba estudante sira bainhira iha tempu ezame estudante na'in rua ka tolu kontinua tur hamutuk iha kadeira Ida.
Molok ne'e, Vise Ministru Edukasaun Juventude no Desportu Antonio Guterres hateten, agora daudaun meza no kadeira 20.000 iha ona prossesu ba iha kompañia ne'ebé mak manan tenderizasaun hodi Sosa nune'e iha Fulan Setembru sei responde.
"Iha esperansa bo'ot iha tinan Ida ne'e sei responde ba iha eskola sira liuliu Ita responde ba eskola sira ne'ebé mak agora laiha duni kadeira no meza. Tanba iha eskola barak mak to'o agora laiha kadeira no meza," nia hateten iha MEJD, Kinta (09/06).
Relasiona ho eskola Sira ne'ebe mak kada tinan numeru estudante sa'e bebeik, ho Ida ne'e dalaruma Sira Nia atendementu ba iha Kadeira no meza la to'o, tanba ne'e sira sei distribui tan ba iha eskola Sira ne'ebe mak menus kadeira no meza.
Durante ne'e MEJD simu ona proposta lubuk Ida husi eskola sira ne'ebe laiha kadeira no meza.
Kadeira 20 mil ne'ebe mak MEJD atu Destribui ba iha eskola Sira ne'e, prevee husi orsamentu Jeral Estadu (OJE) 2021 nian.
