Nunee, total kazu mate ho dengue, neebé rejista hahú iha 01 janeiru to’o 25 fevereiru 2022 hamutuk 32.

“Ba kazu mate neebé rejista iha Kapital Dili na’in 16, na’in haat (4) iha Ermera, na’in haat (4) iha Kovalima, na’in rua (2) iha Ainaro,  na’in ida (1) iha Bobonaro, na’in ida (1) iha Vikeke, na’in rua (2) iha Aileu, na’in ida (1) iha Manantutu no na’in ida (1) iha Manufahi,”haktuir komunikadu neebé Online INDEPENDENTE asesu, sesta nee (25/02).

Entretantu, pasiente dengue neebé rejista, hahú husi inisiu fulan-janeiru to’o 25 fevereiru 2022 hamutuk na’in 2.468.

Husi numeru 2.468 ne'e, maioria husi Kapital Dili ho kazu 1.562, Ermera ho kazu 90,  Manatutu ho kazu 149, Baucau ho kazu 105 , Manufahi ho kazu 98, Kovalima  ho kazu 90, Bobonaro ho kazu  32, Líkisa ho kazu 82, Aileu ho kazu 69, Ainaro ho kazu 35, Vikeke ho kazu 53, RAEOA ho kazu tolu (3) no Lautem ho kazu 100.

Tanba nee, Ministra Saúde husu ba populasaun sira atu aprezenta aan iha fasilidade saúde neebé besik, bainhira senti isin manas ka laran sa’e, liman ain sikun moras, atu bele hetan atendementu husi mediku sira.

Nunee mós, Governu kontinua halo prevensaun ba moras dengue liu husi asaun sira hanesan, limpeza jeral no halo fumigasaun ba fatin sira neebé identifika sai fatin risku ba dengue.