Covid-19: Rekuperadu Lima, Kazu Ativu Hela Rua

By Novembru 24, 2021 282
Rejultadu teste PCR hatudu positivu Covid-19. Foto:INDEPENDENTE. Rejultadu teste PCR hatudu positivu Covid-19. Foto:INDEPENDENTE.

DILI: Sala Situasaun Sentru Integradu Jestaun Krize (SIJK) relata iha loron 24 Novembru 2021, ekipa konjunta saúde rejista kazu rekuperadu na’in lima (5) no kazu ativu ne’ebé hela iha Izolamentu na’in rua (2).

Adjunta Kordenador Forsa Tarefas ba Prevensaun no Mitigasaun Surtu Covid-19 iha Timor-Leste, Dr. Odete da Silva Viegas, hatete, númeru kazu detetadu foun laiha no mós ema ne’ebé hala’o tratamentu ospitalizadu laiha.

Nune’e, iha munisipiu 11 ho RAEOA la iha ona kazu ativu no munisipiu 1 sei iha kazu esporádiku.

Enkuantu, kobertura vasina kompletu ka doze rua iha teritoriu Timor-Leste tomak, foin atinji 56,4%.

“Ohin larejista kazu foun Covid-19, maibé iha kazu rekuperadu na’in lima,”dehan nia iha komunikadu ne’ebé Online INDEPENDENTE asesu, kuarta ne’e.

Ho nune’e, total komulativu kazu konfirmadu sura husi loron 21 fulan-Marsu tinan 2020 to’o 24 Novembru 2021 hamutuk 19.820 no total óbitu iha Timor-Leste hamutuk na’in 122.

Entretantu, husi horiseik (23/11) mai ohin teste PCR ne'ebé Laboratóriu Nasionál Saúde halo hamutuk 33, kompostu husi, random Screening na’in 17, viájen internasionál na’in 15

No follow up iha kuarentena na’in ida.

Aleinde, teste PCR ne’ebé halo horiseik iha Munisípiu sira seluk, RAEOA no HNGV hamutuk 100.

Rate this item
(0 votes)
Saturnina da Costa

Jornalista Jornal Independente

https://independente.tl

Independente Digital TV