Kordenador Forsa-Tarefas ba Prevensaun no Mitigasaun Surtu Covid-19 Iha Timor-Leste, Dr. Rui Maria de Araújo hatete, kazu foun ne’ebé relata ohin iha Munispiu Dili hamutuk 80, Aileu 7, Vikeke 1, Bobonaro 7 no Baucau 3.

“Total kazu detetadu ohin iha mane na’in 47 no feto 51. Sira ne’ebé ho idade 12 mai kraik iha na’in 1, idade 12-59 na’in 95 hanesan ho pursentu 96,9 no idade 60 ba leten iha na’in 2,”dehan nia tersa ohin (08/06).

Rui relata, proporsaun kazu sintomatiku hamutuk pursentu 12,2.

Nune’e, total kazu komulativu hamutuk 7,862. Husi horseik (07/06) mai ohin teste PCR ne’ebe halo iha Dili hamutuk 994, kompostu husi Vijilansia sentinel 7, Contact tracing 26, Rastreiu Aliatoriu 189, Viajem sai husi serka sanitaria Dili 737, Viajem internasional 74 no Follow up iha kuarentena hamutuk na’in 2.

Total PCR ne’ebé halo horseik (07/06) iha Munisipiu sira seluk, RAEOA no HNGV hamutuk 550 ho detalle hanesan tuir mai, Baucau 106, Ermera 90, Maliana 45, Maubise 115, RAEOA 10, Suai 61, Vikeke 12 no HNGV 111.

Entretantu, informasaun iha izolemntu Vera Cruz, ohin halo tratamentu ba kazu detetadu na’in 27, ne’ebé fahe ba area obstetria na’in 6, medisina interna 20 no neonatolojia na’in 1.

Asistente Editor: Saturnina da Costa