Nia hateten, kompeténsia ne’e bele delega ba Vise Primeiru Ministru na’in 2 ka mínimu liu ba Diretór Jeral Administrasaun Públika tanba Xefe Gabinete la tama iha estrutura organika iha administrasaun públika.

“Se Primeiru Ministru, ita bo’ot atu lakohi asina kontratu ho valor uma millaun até tres ka cinco millaun ne’ebé maka rejime aprovizionamentu fó karik ita delega ba vise primeiru ministru na’in 2 kedas selae ba ministru sira, ultimu liu maka ba diretór jeral ba administrasaun públika labele fó ba xefe gabinete ne’ebé nia kompeténsia ne’e iha de’it gabinete laran”dehan nia iha Parlamentu Nasional (PN), Segunda (05/10).

Nia hato’o asuntu ne’e relasiona ho dekretu lei no 30/2020 artigu 20 no.1 ne’ebé iha korelativa ho lei organika VIII governu konstituisional ne’ebé hare’e liu ba rejime jurídiku aprovizionamentu ne’ebé hakerek iha artigu 21 nomós dekretu lei No 25/2016.