“Bankada CNRT foti pozisaun katak iha jeneralidade seidauk bele fó voto favorável ba proposta orsamentu jeral estadu 2020,”dehan nia, iha plenária Parlamentu Nasionál, Sesta (02/09). 

Bankada CNRT espera katak ba debate iha espesialidade bele hetan explikasaun di’ak no ónesta.

Tanba ne’e, CNRT espera katak iha debate espesialidade bele hatún montante osan, atu nunee bankada CNRT afavor.

“Ministru sira afirma katak la’ós sira mak tau osan, la’ós sira mak hakerek programa, tanba Unidade Pleneamentu, Monitorizasaun no avaliasaun (UPMA) mak halo mesak, sem konsulta sira, hodi ministros balun mós nem koñese ema sira ne’ebé kaer ukun iha UPMA, ho Austrália mak selu osan boboot de’it,”nia informa.

Nia hatutan, tuir enkuadramentu legal katak ezisténsia VIII Governu ne’ebé moris husi violasaun Konstituisaun RDTL, iha ninia artigu 106, Artigu 112, Artigu 86 (f) no Artigu 99, laiha lejitimidade Konstitusional atu aprezenta fali proposta orsamentu jeral estadu 2020  ka kualker orsamentu jeral estadu ba Parlamentu Nasional.

Enkuantu Parlamentu Nasionál halo ona aprovasaun ba proposta lei Orsamentu Jerál Estadu (OJE) tinan fiskal 2020 ne’ebé pasa iha fazé jeneralidade.

OJE tinan 2020 montante bilaun $1.497, passa iha fazé jeneralidade ho  votus a-favor 44, kontra 0 no abstensaun 21.