Prezidente Bankada FRETILIN, Aniceto Guterres hatete tuir rezimentu Parlamentu Nasionál katak Prezidente Parlamentu Nasionál nia iha dever tomak atu dirijé no koordena traballu parlamentu nasionál nian.
“Se nia ajenda (laiha) ne’e, boikota ona ba atividades Parlamentu Nasionál nian,”dehan Aniceto, iha Parlamentu Nasionál, tersa (05/05).
Relasiona ho plenaria segunda no tersa, nia dehan, Presidente PN halo boikota, ida ne’e mós hanesan mós tentasaun atu prezudika funsionamentu normal parlamentu nasionál nian
Relasiona ho situasaun politika iha 2017 iha parlamentu nasionál, nia dehan situasaun lahanesan.
“Klaru ke iha, tanba deputadu sira ami tuur bilan de’it, deputadu bankada tolu mai tuur bilan de’it, entaun nusa ami atu simu osan saugati de’it ka enkuantu iha buat barak presija atu trata, ajensda barak,”dehan nia.
Hanesan nia fó ezemplu de’it konta jeral estadu to’o agora lahatene, lei anti korrupsaun to’o agora mós paradu hela.
Iha fatin hanesan, Vise-Prezidente Bankada CNRT, Patrocinio Fernandes hatete, partidu CNRT afirma apoiu tomak ba Presidente PN atu hola desizaun saida de’it atu fó susesu ba implementasaun Estadu Emerjénsia.
