Entretantu pasiente na’in 39 hetan hela tratamentu intensiva iha isolamentu Sentru Saude  Vera Cruz Dili.

Tuir Dr. Nilton hateten atu prevene no identifika transmisaun lokal Ministério Saude komesa ona Screening Swab masal ba komunidade ne’ebé hela iha Municipio 3, hanesan RAEOA, Maliana (Bobonaro) no Suai (Covalima).

"Ohin komesa ona screening Swab masal iha Munipio Maliana, Suai inkluindu RAEOA atu foti sira nia amostra hodi ba koko iha laboratorio Nasional tanba deskonfia ona katak transmisaun lokal komesa iha ona iha Munisipio tolu refere,"dehan Nilton iha Palacio da Sinzas ohin.

Nia informa katak, kada loron ida sei foti sampel na’in 100 no sei foti amostra screening Swab sira ne’e iha bazar, eskola no iha edifisio publiko sira.

"Komesa ohin too dia 25 Abril ekipa Ministerio Saude sei foti sampel, kada loron ita sei  foti na’in 100 iha kada Munisipio tolu, to'o dia 25 fulan ida ne’e ita sei rekolla 2.500 amostra no rezultadu amostra ita sei  teste iha laboratorio Nasional no nia rezultadu Ministerio Saude sei publika ba publiku,"dehan nia.

Nia espera katak ho meus ne’e Ministerio Saude sei prevene lalais transmisaun lokal ba Covid-19 no fasil buka nia solusaun.