Ermera iha na'in 1.
Kordenador Forsa Tarefas no Mitigasaun Surto Covid-19 iha Timor-Leste, Rui Maria de Araujo hatete, kazu foun hirak ne'e iha mane na'in 57 no feto na'in 29.
“Asintomatiku na'in 75 no sintomatiku 11,” dehan iha komunikadu (30/04).
Husi kazu foun ohin iha na'in 22 mak deteta bainhira halo viajen sai ka tama husi serka sanitaria munisipiu Dili.
Total kazu komulativu konfirmadu hahú husi loron 21 fulan-marsu tinan 2020 to'o loron 30 fulan-abril tinan 2021 hamutuk 2.276.
Dadus jeral ba loron ohin iha kazu foun na'in 86, kazu rekuperadu 47 no kazu ativu ne'ebé iha sala izolamentu lima hamutuk 1,162.
Husi horseik (29/04) mai ohin (30/04) teste PCR ne'ebé Laboratorium Nasional Saude halo hamutuk 1.294 ho detalla hanesan tuir mai, vijilansia sintinela iha 64, restreia kontaktu iha 151, restreiu aliatoriu 505, pedidu viajen sai husi munisipiu Dili hamutuk 513, viajem internasional 36 no follow up iha kuarentena iha na'in 52.
Evulusaun surto Covid-19 iha Munisipiu Dili 5,9% ba 1.294, enkuantu Iha munisipiu munisipiu sira seluk 2,2% ba 411.
Pasiente Covid-19 iha sala izolamentu Vera Crus iha 23, na'in 5 grave inklui na'in 1 sofre cirurgia, 12 iha medisina interna no na'in 3 iha pediatria.
Entretanto dadus mundial Covid-19 kazu foun hamutuk tokon 150 no kazu mate hamutuk na'in 3.152.646.

Jornalista:Saturnina da Costa

Editor:Jose Sarito Amaral