Arsebispo akresenta, Amu Papa halo konvite ida ba Igreja iha mundu tomak atu iha Sesta (25/3), hamutuk ho Amu Papa rasik hasai orasaun ida.
"Iha Timor, ita-nia konvite ida husi estrutura hasai atu fó ba embaixada uza parte husi Arcebispu hasai ita-nia konvite ida atu konvida responsabilidade xefe estadu no governu relijiosu hotu," dehan Don Virgilio, iha Balidi, horisehik.
Nune’e, iha Sesta (25/3), tuku 09:00 dadeer, ei halibur hamutuk iha Igreja Katedral, Dili, hamutuk ho ordenasaun sejardote foun, maibe antes ne’e, minutu balu sei halao orasaun ne'ebé amu Papa rasik fo hamutuk sai lian ida de’it.
"Hanesan uluk ita halo tempu Covid-19 ninian, sai lian ida de’it. Minutu ida no oras ida ita hamutuk hasa’e ita-nia lian ba pás Ukraina no Russa,"tenik nia.
Konteudu orasaun rasik ninia mak husu Na'i Maromak, atu bele hamamar ukun na'in ba nasaun rua ne'e hodi fuan nakloke ba dialogu no pás.
Nia dehan, fuan ne'ebe hanoin kona-ba terus ne'ebe ba nasaun rua ne'e terus kalan no loron, hare'e iha media haree refusiu no sidade sai estraga hotu.
Nune'e, iha fuan nakloke hanoin ema nia terus atu tau interese sira ne'ebe nasaun nia tau interese pesoál nian ba povu hotu tenke di’ak.
