Prezidente Asosiasaun Kafe Timor (ACT), Evangelino Monteiro Soares hateten, tinan 2024 ACT tau prioriedade kafe iha territoriu laran tomak, tanba iha planu dahuluk no esensial atu halo mak oinsá bele estabelese sertifikadu orijinal ne'ebé reprezenta Káfe iha mundu.
" ACT kontinua koopera ho Ministeriu Agrikultura, Pekuaria, Peska no Floresta (MAPPF) hodi halo reabilitasaun ba plantasaun kafe hotu," dehan Evangelino Monteiro Soares ba Jornal INDEPENDENTE iha ninia servisu fatin, Komoro, (23/04).
Nia haktuir, ACT nafatin hamutuk MAPPF ho parseriu sira hotu husi nasional no internasional atu foka ba setor kafe iha Timor Leste.
“ Bainhira Ita atu reabilita kafe kuase 66 mill hetares, tuir planu governu iha tinan 2011 to'o 2030 sei halo espensaun ba 60 mill hektares kafe iha territoriu laran tomak," tenik nia.
Tuir eventu nasional no Internasional atu bele promove ita nia Káfe, tanbá kafe mak ita nia kultura Timor-Leste nian no liu-liu ACT nafatin depende Káfe birilidu de Timor.
Hanesan Timor oan nia klamar no Embaixadór ba iha mundo antes Timor-Leste ukun rasik a'an, purtantu birilidu de Timor representa Timor iha mundu iha tinan 1927.
ACT nafatin hadia hodi hasa'e Kualidade produtu kafe hodi foka ba merkadu tanbá Káfe nia kualidade iha mundu, kona-ba kuantidade kafe ita la bele kompete ho Brazil no Vietnam.
Maibé, ho kualidade kafe ho orijinalidade, organiku naturalmente ita nia kafe tama iha merkadu la'o nei-neik ho indetidade rasik.
Ikus liu nafatin Timor-Leste tenke marka ida atu bele apresenta Timor no se mak importa kafe ba rai liur atu nune'e apresenta kafe Timor-Leste hodi nune'e ema la bele inventa sasan iha ne'eba.
Ho sertifikadu orijinal bainhira Kompania ida-idak halo ninia ne'ebé karun tebes, mais governu mak halo exemplu ita iha munisipiu Dili Ermera la'os Káfe deit maibé sasan sira ne'ebé kuda iha ne'eba organiku hotu.
Hanesan Asosiasaun Kafe Timor (ACT) instituisaun independente bele Kolaborasaun ba indetidade hotu-hotu no laiha limitasaun, maibé, tenke la'o hamutuk governu liu husi Ministeriu Agrikultura ho Pekuaria, Peska no Floresta (MAPPF).
Kona-ba orsamentu apoiu husi governu no doadores hanessa Asosiasaun Kafe Timor nafatin buka osan iha rai laran no mos rai liur depois mak bele atinji ba programa sira ne'e.
Asosiasaun Kafe Timor nafatin kolabora nasaun sira liu-liu China tanbá governu China apoiu maka'as iha setor Káfe liu husi Asosiassun direita.
Tinan ida ne'e governu China haruka sira nia Tiem na'in 10 mai iha Timor-Leste hodi koalia ho Asosiasaun Kafe Timor ho governu Timor-Leste oinsá atu koopera hamutuk.
