Kordenador Forsa Tarefas ba Prevensaun no Mitigasaun Surtu Covid-19 iha Timor-Leste, Dr. Rui Mariaa de Araújo, hatete, númeru kazu detetadu foun nafatin reduz ka taxa positividade iha 3,0% kompara ho kazu rekuperadu kiik liu.
Aleinde, ema ne’ebé hala’o tratamentu ospitalizadu nafatin reduzidu, nune’e iha munisipiu 6 la iha ona kazu ativu no munisipiu 6 seluk ho RAEOA sei iha kazu esporádiku.
Enkuantu, kobertura vasina doze kompletu iha nivel nasional, foin atinji 45,9%.
“Husi totál kazu detetadu foun ohin, kazu 4 (57,1%) mak hatudu sintomas no kazu 2 (28,5%) simu ona vasina doze kompletu,’dehan nia iha komunikadu ne’ebé Online INDEPENDENTE asesu, sabado ne’e.
Nune’e, SIJK mós rejista kazu rekuperadu iha loron 23 fulan-Outubru, iha na’in 5 no kazu ativu ne’ebé iha hela Izolamentu hamutuk 69.
