23 Novembru: Positivu Foun Ida, Rekuperadu Rua Featured

By Saturnina da Costa Novembru 23, 2021 324
Vasina Covid-19. Foto:Google. Vasina Covid-19. Foto:Google.

DILI: Sala Situasaun Sentru Integradu Jestaun (SIJK), relata ohin (23/11) ekipa konjunta saúde rejista tan kazu positivu foun Covid-19 na’in ida (1), nune’e kazu rekuperadu iha na’in rua (2).

Adjuntu Kordenadór Forsa Tarefas ba Prevensaun no Mitigasaun Surtu Covid-19 iha Timor-Leste, Dr. Odete da Silva Viegas, hatete, kazu detetadu foun ida iha Dili no kazu ativu hela na’in hitu (7).

Nune’e, munisipiu 10 ho RAEOA la iha ona kazu ativu no munisipiu 2 sei iha kazu esporádiku.

Enkuantu, kobertura vasina kompletu iha teritoriu Timor-Leste tomak, foin maka 55,7%.

Ho nune’e, totál komulativu kazu konfirmadu hamutuk 19.820 no total óbitu iha Timor-Leste hamutuk na’in 122.

Entretantu, husi horiseik (22/11) mai ohin teste PCR ne'ebé Laboratóriu Nasionál Saúde halo iha Dili hamutuk 52, kompostu husi, random screening na’in 26, viájen internasionál iha na’in 20 no follow up iha kuarentena hamutuk na’in 6.

Aleinde, teste PCR ne’ebé halo horiseik iha Munisípiu sira seluk, RAEOA no HNGV hamutuk 22.

Enkuantu, iha loron 22 Novembru 2021, SIJK larejista kazu positivu foun Covid-19.

 

Rate this item
(0 votes)

Independente Digital TV

Tuir ami iha Twitter

Kalendariu Notisia

« May 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31