Kordenador Forsa-Tarefas ba Prevensaun no Mitigasaun Surtu Covid-19 iha Timor-Lesta, Dr. Rui Maria de Araújo hatete, kazu foun ne’ebé relata ohin iha Kapital Dili na’in 21, Bobonaro 3, Manufahi 1 no Vikeke na’in 1.
“Total kazu detetadu foun, proporsaun kazu sintomatiku hamutuk pursentu 100,”dehan nia iha komunikadu imprensa, kinta ohin.
Nune’e, total komulativu kazu konfirmadu hahú husi loron 21 fulan-Marsu tinan 2020 to’o loron 17 fulan-Juñu 2021 hamutuk 8,504.
Husi horseik (16/07) mai ohin teste PCR ne’ebé Laboratorium Nasional Saúde halo iha Dili hamutuk 705, kompostu husi Vijilansia sentinela 69, Contact tracing 7, Random Screening 45, Viajen sai husi serka sanitaria Dili hamutuk 569, Viajen internasional 15.
Enkuantu, teste PCR ne’ebé halo iha Munisipiu sira seluk, RAEOA no HNGV hamutuk na’in 461, kompostu husi Baucau 133, Maliana 31, RAEOA 1, Vikeke 4, Ermera 119, Maubise 12, Suai 46 no HNGV 115.
Entretantu, iha Izolamentu Vera Crus ohin halo tratamentu ba kazu detetadu hamutuk 26.
Asistente Editor: Saturnina da Costa
