DILI: Autoridade Munisípiu Dili iha tempu badak sei muda negosiante Tais Market iha Kolmera. Governu prepara ona dezeñu atu halo edifísiu andár lima ba fatin Tais Market.
“Ita finaliza ona dezeñu (Bill of Quantity) BoQ ba fatin ida ne’e. Negosiante Tais Market nian sei lokaliza fali ba iha Bairru Audian,” dehan Prezidente Autoridade Munisípiu Dili, Gaspar Soares, iha ninia servisu fatin, horisehik.
Nia hatutan, konstrusaun foun ne’e atu prepara kondisaun di'ak ba negosiante sira ne’e.
“Konserteza ita sei muda sai ba maluk sira ne'ebé durante ne’e iha Tais Market. Nune’e mós ba ita nia maluk sira ne'ebé fa'an hela iha loja oin sira ne’e,” dehan nia.
