DILI: Tribunál Distritál Dili (TDD),Kinta (05/01) deside adia julgamentu kazu krime brankamentu kapitais ne’ebé deskonfia komete husi arguidu Chaf Fong hasoru estadu.
Tuir fontes Ofisial justisa TDD hateten, advogadu husi arguidu nian husu adia no sira hatama rekursu tanba arguidu simu notifikasaun la iha prazu.
Tanba ne’e, nia dehan, advogadu sei hare no hatama rekursu ne’ebé julgamentu adia loron 28 fulan –Fevereiru 2017 iha tuku 2:00 loraik Otl.
Kazu krime brakamentu kapitais ne’e rezista iha TDD ho númeru 0011/14/PDD.
Audensia julgamentu ne’e prezide husi Juiza Jacinta Correia,Ministériu Públiku reprezenta husi Prokuradóra Angelina Saldanha no Arguidu hetan asistensia legal husi advogadu privadu.
