Sekretáriu Estadu ambiente (SEA), Deometrio Amaral, hafoin vizita kompañia resiklajen lixu, Chaltex, deklara katak, setór privadu nia partisipasaun importante tebetebes hodi halo resiklajen ba lixu hodi kontribui ba ambiente moos.

“Presiza tebes ita-nia setór privadu nia apoiu halo halo resiklajen ba ambiente, ne’ebé esforsu ho rekursu rasik, ne’ebé uza mesin inseradór ne’ebé uza lixu ba ai-moruk aat sira husi ospitál nian ne’ebé ho manas bele 1000 celcius” dehan nia, iha Beduko, Dili, Sesta (1/3).

Nia dehan, vizita fatin ne’e empreza Chaltex halo esforsu hodi halo resiklajen ba bee kaixa aqua no botir sira, uza rasik sira nia rekursu hodi apoiu ba resiklajen apoiu ba ambiente.

iha fatin hanesan, Manejer Operasionál Chaltex, Rogério Hornai hateten, sei halo resiklajen ba alumíniu, besi tua no kaixa no botir mamuk, maibé daudaun seidauk sei rai de’it planu ba futuru buka tuir mákina balun oinsá produs plástiku sai buat seluk ne’ebé bele iha benefísiu ba sosiedade.