Li husi komunikadu Palacio Presidensial katak  Prezidente Francisco Guterres iha Kuarta–feira, loron-21 fulan-Juñu tinan-2017, hala’o enkontru ho Komandante FALINTIL Forsa Defesa Timor-Leste (F-FDTL) Majór Jenerál Lere Anan Timur, Brigadeiru Jenerál Filomeno da Paixão de Jesus no Koronel Falur Rate Laek, iha Palásiu Nicolau Lobato, Bairro-Pite, Dili.

Liu hosi sorumutu ne’e, Xefe Estadu Majór Jenerál informa ba Prezidente Repúblika sobre situasaun seguransa iha rai laran, liu-liu prosesu kampaña husi partidu polítiku hamutuk 21 iha loron dahuluk ne’ebé la’o ho hakmatek.  

Majór Jenerál Lere espera ambiente hakmatek ida ne’e bele kontinua to’o loron eleisaun no formasaun governu foun iha fulan-Agostu.

Tuir observasaun diario ne’e, situasaun jerál ba prosésu kampanha partido politiku sira iha Munsipiu hakmatek. Kampanha ne’e hala’o ho dame no amizavel tebes.