Print this page

HNGV Forma Ekipa Fó Asisténsia Saúde Ba Bispu Norberto

By Verónica Meles Janeiru 24, 2017 978

DILI: Ospitál Nasionál Guido Valadares (HNGV) forma ona ekipa doutór espesialista hodi fó asisténsia saúde ba Bispu Dioseze Maliana, Don Norberto Amaral ne’ebé sofre moras.

Don Norberto hetan moras derrepente hodi evakua ba ospitál iha sábadu liu ba, agora hala’o hela tratamentu saúde.

Diretór Klínika HNGV, Flávio Brandão dehan, tuir rezultadu chek-up, Bispu nia kondisaun di'ak maibé Amu nia kondisaun fíziku  kolen tanba ne’e maka amu presiza deskansa hodi bele rekuperasaun fila fali fíziku.

“Ha’u fiar katak ema hotu hakfodak, amu bispu moras, maibé lae tanba médiku sira fó atensaun másimu sei iha buat ruma diresaun ospitál sei informa,”dehan Flávio ba Jornalista, Segunda(23/01).

Nia dehan, bispu sente kolen, tanba ne’e doutór sira sei kontinua fó asisténsia too kondisaun di’ak.

Tuir observasaun nota katak, padre, madre no sarani balun hein bispu iha salaun VIP.

Rate this item
(0 votes)

Related items