Tersa, 10 Dezembru 2019 | Login
Entre Falur-Sabika sei Okupa Kargu Vise XEMGFA

Entre Falur-Sabika sei Okupa Kargu Vise XEMGFA Featured

DILI: Konsellu Superiór Defeza no Seguransa (KSDS) hasoru malu ona ho Prezidente Repúblika, hodi diskute figura na’in rua, atu asume pasta Vise Xefe Estadu Maiór Forsa Armada (XEMJFA) hodi substitui fali eis-Brigadeiru Filomeno Paixão.

Governu Konstitusionál Daualuk (VIII) hato’o proposta ba Prezidente Repúblika Francisco Guterres Lú Olo kona-ba figura na’in rua ne’e atu hetan diskusaun kle'an iha KSDS maka Brigadeiru Jenerál Falur Rate Laek ho Brigadeiru Jenerál Sabika. Entre na’in rua ne’e ida maka sei asume kargu Vise XEMJFA.

Xefe Kaza Militár Prezidente Repúblika, António da Silva Maukalo hateten, molok atu halo nomesaun ba figura na’in rua ne’e ida maibé tenke rona uluk opiniaun husi KSDS. Tanba ne’e maka Prezidente Repúblika konvida ona KSDS hodi diskute asuntu ne’e.

“Ita dehan ema sira hotu ne’e membru. Hanesan iha pasadu ninia pasajen, hotu-hotu mesak rezisténsia nia ema. Iha ita nia ukun aan nia laran ne’e mós ema ne’ebé servisu di’ak entaun sira ne’e serve hotu”, dehan nia, iha Palásiu Prezidensiál Bairru-Pité, horisehik.

António realsa katak, Governu propoin ona agora importante maka depende ba Prezidente Repúblika. Tanba instituisaun forsa defeza atu funsiona di’ak presiza kompleta estrutura. Nune’e, bele kumpre misaun. Tanba membru KSDS sira mós ko’alia ona asuntu ne’e nesesáriu duni.

Tanba ezonerasaun Vise XEMJFA atuál Ministru Defeza no Ministru Interiór agora instituisaun F-FDTL seidauk iha ida maka substitui fali, tanba ne’e fó duni importánsia katak presiza tenke halo nomesaun atu bele hala’o funsaun. Atu bele tau matan ba kestaun administrasaun militár nian liu-liu espesifikamente ba área Justisa no dixiplina ne’ebé nesesáriu.

Maukalo hatutan, nomeasaun Vise XEMJFA ne’e nesesáriu tebes atu bele ajuda Xefe Estadu Maiór hodi haree funsaun forsa armada nian.

Entretantu reuniaun Konsellu Superiór Defeza Seguransa ne’e partisipa husi Ministru Justisa (MJ), Ministru Negósiu Estranjeiru (MNEK), Governu, membru Parlamentu Nasionál (PN), Ministru Defeza Seguransa (MDS), no Komandante Jerál PNTL no seluk-seluk tan.

Read 3510 times Last modified on Segunda, 27 Agostu 2018 15:11
Rate this item
(0 votes)