Items filtered by date: Tersa, 05 Marsu 2019

DILI: Iha loron 3 Marsu 1981, nu’udar loron istóriku liu husi konferénsia boot sai hanesan loron importante re-organiza-aan ba estratéjia polítika ai-laran nian ho objetivu atu Timor-Leste hetan independénsia.

Primeiru Ministru, Taur Matan Ruak hatete, loron ne’e importante hodi re-organiza estratéjia polítika ba ukun rasik-aan hafoin hetan derrota dahuluk husi Militár Indonézia hodi rezulta lideransa luta hanesan Saudozu Nicolau Lobato mate iha Kombate iha loron 31 fulan-Dezembru tinan 1978 husi Militár Indonézia.

Tanba tempu ne’ebá, Nicolau Lobato mós lideransa másimu sira seluk mós hetan oho durante 1977 to’o 1979, tanba militár Indonézia harahun baze apoiu totalmente iha tinan 1978.

“Iha loron 3 Marsu 1983 iha konferénsia define estratéjia tolu, ida alarga no amplia frente polítika, organiza povu, no desimina forsa vida inimigu nian, katak orienta ba sira ne'ebé Indonézia uza hodi kaer kilat hodi ajuda sira”, dehan PM Taur, iha Sentru Konvensaun Dili, Sábadu (2/3).

Eis-Prezidente Repúblika konta tuir, forsa armada ne’ebé rejistu hamutuk rihun 27, maibé barak mak mate no lakon tanba baze apoia rahun, ikus mai militár hamutuk 500 mak eziste ai-laran halo funu hasoru inimigu hodi defende ukun rasik aan.

Taur dehan, situasaun difisil maka mosu iha momentu ne'ebá, tanba lideransa polítika barak mate, populasaun pratikamente evakua ba vila no Indonézia proklama vitória, nune’e la permite gerrilleiru sira luta maibé esforsu timoroan sira iha vila laran mak haforsa gerrilleiru sira luta hodi hatún inimigu sira.

Nune’e, iha konferénsia loron 3 Marsu hala'o konferénsia nasionál hodi re-organiza estratéjia polítika hodi envolve timoroan hotu atu fó apoiu ba prosesu luta ba ukun rasik-aan, liuliu nomeia lideransa foun ba Comité Central FRETILIN no forma frente tolu hanesan diplomátiku, klandestina no armada.

Tanba ne’e, luta independénsia too agora sidadaun sivíl sira kontinua hamutuk ho lider nasionál sira luta ba moris di'ak, bainhira sidadaun ida lakohi kontribui nasaun ne’e sei nune’e hela de’it.

Published in Nasional

DILI: Volume lixu iha Timor-Leste aumenta ba beibeik, maibé seidauk iha alternativa barak hodi halo resiklajen hodi bele diminui fo'er. Ne’e duni, Governu konsidera importante tebes kontribuisaun setór privadu nian iha área resiklajen.

Published in Sidade

DILI: Ministériu Obras Públiku (MOP) prepara ona polítika Governu nian ba tinan 2019 sei halo reabilitasaun infraestrutura bázika ba estrada lokál ne’ebé identifika iha poténsia ba setór produtivu no turizmu.

Published in Munisipiu

DILI: Funsionariu públiku ida ho naran Hermenegildo dos Santos entrega karreta estadu ba nia oan-mane, Nicson Pedro dos Santos, hodi ba tula ai-maran iha Munisipiu Likisa iha Kinta (28/02) foin lalais.

Published in Krime

DILI: Primeiru Ministru, Taur Matan Ruak deklara, kandidatu membru governu hamutuk na’in 12 seidauk toma pose hodi kontinua diálogu ho Xefe Estadu. Maski remodelasaun kualkér tempu, maibé apresia mós membru Governu durante ne’e hatudu rezultadu serbisu ho kualidade.

Published in Politika
Tersa, 05 Marsu 2019 14:05

Kalbuadi Ba Fali ona Estranjeiru

DILI: Hafoin retoma pozisaun iha Parlamentu Nasionál, Sekretáriu Jerál Partidu Congresso Nacional Reconstrução Timor-Leste (CNRT), Francisco Kalbuadi Lay, ba fali ona estranjeiru, iha Sábadu (2/3).

Published in Nasional

DILI: Primeiru Ministru, Taur Matan Ruak husu ba lider veteranu Frente Armada, Klandestina, no Diplomátika labele fahe malu hodi hamutuk organiza aan fó kontribuisaun hadi'a vida moris povu no nasaun Timor-Leste.

Published in Nasional

Independente Digital TV