Items filtered by date: Kinta, 17 Janeiru 2019

DILI: Partidu opozisaun FRETILIN sei ezije ba governu atu informa planu sosa asaun ConocoPhillips no Shell liu husi orsamentu emprestimu nian, tanba atu foti ema ninia osan presiza tuir regra.

FRETILIN levanta ida ne’e hodi responde Reprezentante Governu ba negosiasaun mina no gás, Kay Rala Xanana Gusmão ne’ebé hateten sei loke dalan ba empresta osan hodi halo investimentu iha setór mina no gás.

Published in Nasional
Kinta, 17 Janeiru 2019 18:22

Durante Janeiru, Turista 2.150 Vizita TL

DILI:Turista husi Europeia, Amérika no Austrália hamutuk na’in 2.150 halo vizita mai Timor-Leste hodi haree paizajen ne’ebé furak iha nasaun ne’e.

Diretór Jerál Ministériu Turizmu, José Dias Quintas hateten, Timor-Leste tinan ne’e 2019 fulan Janeiru hetan vizita husi ró kruzeiru boot ba dala rua ne’ebé lori turista husi estranjeiru.

faze dahuluk Timor-Leste hetan vizita ho turista hamutuk 450 no iha Kuarta (16/1), horisehik, hetan tan vizita husi ema estranjeiru hamutuk 1.700.

Turista sira ne’ebé to’o iha Timor koloka ba fatin tolu, Dili, Ermera no Likisá. Ema sira ne’e mós halo vizita ba área-área poténsia turizmu nian hanesan Kristu Rei, Muzeu Rezisténsia no seluk tan.

Iha vizita hirak ne’e hetan mós akompañamentu husi polisia sira hodi bele asegura viajen turista sira nian la’o ho di'ak durante oras ualu (8) iha Timor-Leste.

José dehan, vizitante barak liu tan bele aumenta reseita liu husi vistu turista sira ne'ebé kada ema ida $30, nune'e tau hamutuk bele hetan $64.500.

Iha fulan ne’e nia laran ró rua, espera iha tempu tuir mai sei mai tan tanba simu ona informasaun husi ajénsia sira katak sei mai tanba Timor-Leste iha paizajen furak iha nasaun Ázia.

Maski nune’e, prioridade ne’ebé presiza toma atensaun sériu maka infraestrutura iha Timor laran, nune’e bele fasilita di’ak liután vizitante sira.

Nia hatutan, iha tempu badak sei koopera ho portu hodi hadi'a infraestrutura bázika sira, tanba simu ona informasaun katak sira mós iha ona planu tau ona osan atu hadi'a bee no saneamentu.

Published in Ekonomia
Kinta, 17 Janeiru 2019 18:11

Sérgio Hornai Eleitu Sai Komisáriu KAK

DILI: Polémika ba eleisaun Komisáriu Komisaun Anti Korrupsaun (KAK) rezolvidu ona. Bankada Parlamentár hakotu ho konsensu ida ba eleisaun lista únika, ne’ebé Sérgio Hornai eleitu ho votu afavor 42, kontra 13 no abstensaun tolu.

Published in Nasional

DILI: Polítika Estadu Timor-Leste ne’ebé hakerek ona iha Planu Estratéjiku Dezenvolvimentu Nasionál (PEDN) hakarak atu dada kadoras mai, nune’e presiza tebes sosiedade hotu-hotu atu tuur hamutuk hodi diskute atu iha responsabilidade ba investimentu indústria petrolífera ne’e.

Published in Nasional

DILI: Ministru balun hahú hasai orden hodi hapara kontratu servisu hamutuk ho média. Asaun ne’e la hatudu profisionalizmu iha servisu.

Diretór Forum Organizasaun Naun Governamentál Timor-Leste (FONGTIL), Daniel Santos do Carmo hatete, hanesan knaar nu'udar Ministru la profisionál hodi hasoru média bainhira hakerek buat aat ruma relasiona ho faktu ne’ebé iha.

Published in Nasional

Independente Digital TV

Tuir ami iha Twitter

Kalendariu Notisia

« January 2019 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31