×

Atenção

JUser: :_load: Não foi possível carregar usuário com ID: 424

JUser: :_load: Não foi possível carregar usuário com ID: 422

JUser: :_load: Não foi possível carregar usuário com ID: 430

CNCS-TL ho Indonézia Prepara Ezbosu MoU Prevene HIV/SIDA iha Fronteira

By Marsu 29, 2017 1637
Hadaet moras HIV/SIDA Hadaet moras HIV/SIDA

DILI : Atu prevene virus  HIV-SIDA iha fronteira Maliana, Suai, Oekusi no Ataúru, Comisao Nasional Combate HIV/SIDA- Timor-Leste (CNCS-TL) no Komisaun Nasionál Kombate HIV/SIDA Indonézia prepara formatu foun Memorandum of Understanding (MoU) no aprezenta ona ba  Konsellu Ministru (KM).

“Ohin ami mai aprezenta fali ezbosu MoU entre Komisaun Nasionál kombate HIV-SIDA Timor ho Komisaun Nasionál Kombate HIV-SIDA Indonézia nian, ne’ebé mak uluk aprezenta ona ba iha KM”, esplika Sekretáriu ezekutivu CNCS-TL Daniel Marçal  ba jornalista iha Pallasu Governu Dili, horisehik.

Iha aprezentasaun nee oinsá  atu hadi'a fali buat balun no uza fali formatu Ministériu Negósiu Estranjeiru no Kooperasaun (MNEK) nian, tanba formatu refere hotu ona.

“Agora ami marka fali ajenda, ne’ebé ohin konsellu Ministru tau iha ajenda primeiru atu hare no aprova” tenik Daniel.

Kona ba formatu foun ne’e agora hein de’it prosesu ba oin oinsá atu kontaktu fali husi parte Indonézia hodi hare took iha tempu badak ne’e.

Iha akordu nee atu haree kona ba servisu hamutuk komisaun rua iha parte fronteira hanesan, Oe-Cusse, Wini, Motain, Kefa, Salele, Tunu Bibi, inklui Ataúru.

“Ita haree fronteira ho Indonézia, ita nia peskadór sira ba iha liran, wetar, ne’ebé buat hirak ne’e hotu fasilita ita nia amizade entre nasaun rua”, Salienta nia.

Iha fatin hirak ne’e risku ba problema tranzmisaun HIV, tanba ne’e komisaun rua presiza iha akordu ida formál.

“Formatu refere loos ona, tanba uluk ami halo formatu ne’e bazeia de’it ba formatu interna ami nian, depois aprezenta fulan hirak liu ba iha KM, KM husu para tenke uza formatu Ministériu Estranjeiru nian ne’ebé mak Timor laran tomak uza” tenik nia.

Iha fatin hanesan, Sekretáriu Estadu Konsellu Ministru (SEKM), Avelino Coelho hateten, iha enkontru Konsellu Ministru asuntu lubun oan ida mak ko'alia iha parte segundu ninian.

Ministru Estadu Koordenadór Asuntu Sosial (MEKAS) aprezenta memorandu entendimentu ne’ebé entre Komisaun Nasionál Kombate HIV-SIDA Timor-Leste ho Komisaun Nasionál Kombate HIV-SIDA Indonézia ninian, Maibé memorandu kooperasaun atu troka esperiénsia no hanoin oinsá mak atu halo programa intermus kombate HIV-SIDA.

Rate this item
(0 votes)

Independente Digital TV