Sábadu, 14 Dezembru 2019 | Login
30 Agostu, Reflesaun Hametin Unidade no Espíritu Nasionalizmu

30 Agostu, Reflesaun Hametin Unidade no Espíritu Nasionalizmu Featured

DILI:  Falta loron tolu tan, povu Timor-Leste sei selebra konsulta populár 30 de Agostu 1999 - 30 de Agostu 2018 nu’udar lorin istóriku importante ba istória independénsia Timor-Leste.

Iha Loron 30 de Agostu 1999 liubá, marka loron importante ne’ebé kada tinan sei halo Timoroan hotu sei lembra nafatin istória moruk ho votus ne’ebé determina vida nasaun Timor-Leste hetan independénsia tinan ba tinan.

Diretór Ezekutivu Forum Organizasaun Naun Governamentál Timor Leste (FONGTIL) Danil Santos do Carmo konsidera loron importante ida ne’e povu deside no hakotu Timor-Leste nia luta durante tinan 24 husi okupasaun Indonézia sai nafatin reflesaun ba Timoroan hodi hametin nafatin espíritu nasionalizmu.

Nia dehan, loron ne’e fó  omenajen  ba  Timoroan  sira  ne’ebé  luta  ona no ba  funu  na'in  hirak  ne’ebé  lakon  sira  nia  vida  hodi  hetan  independénsia.

Loron konsulta  populár  30  de  Agostu 1999 reflete, realiza saun  brani  husi  povu  Timor  hodi  ezerse  sira  nia  direitu  ba  ukun  rasik  aan. Iha loron  konsulta  populár  ida  ne’e  mundu  hamriik  hamutuk  ho  Timor -Leste  hodi  sai  sasin  ba  dedikasaun  no  dezaminasaun  husi  povu  Timor  Leste  hodi  hetan  pás.

“Ita hotu-hotu tenke ho fuan boot atu simu dezafiu sira ne’ebé agora iha maibé la’ós tanba dezafiu sira ne’ebé iha ita atu hakiduk ba kotuk. Maibé ita presiza haree ba ita ninia esperiénsia iha pasadu liu-liu iha loron konsulta populár ita nia povu entuziasmu tebe-tebes hotu-hotu ativu ba iha sentru votasaun atu tuir referendu ne’e espíritu ida ne’ebé laiha rohan ita presiza atu kontinua ida ne’e,” dehan Danil ba jornalista horisehik.

Read 3519 times
Rate this item
(0 votes)
MidAd1