Taur Basa Liman ba Xanana, Alkatiri Hasoru Lu Olo
DILI: Hafoin halo silénsiu depois eleisaun lejizlativa, Prezidente Partidu Congesso Nacional Reconstrução Timor-Leste (CNRT), Kay Rala Xanana Gusmão, sai husi ‘abrigu’ hodi partisipa reuniaun ho lider partidu polítiku sira.
Kalbuadi: “La Hetan FRETILIN Bolu De’it Xanana”
DILI: Partidu mais votadu, Frente Revolusionáriu Timor Leste Independente (FRETILIN), hanoin ona atu bolu Prezidente Partidu CNRT, Xanana Gusmão, hodi forma governu, maibé Sekretáriu Jerál CNRT, Francisco Kalbuadi Lay, dehan laiha dalan tanba partidu ne’e iha ninia regra.
CNRT Hakarak Opozisaun, FRETILIN sei Bolu Xanana
DILI: Partidu Frente Revolusionáriu Timor Leste Independente (FRETILIN) nu’udar partidu mais votadu, hatudu nafatin prontidaun hodi kaer governu. Tanba ne’e, bainhira partidu CNRT hakarak ba opozisaun, partidu FRETILIN sei ‘dada’ Xanana Gusmão hodi servisu hamutuk iha governu.
Fiskais CNRT Lakohi Asina Akta Apuramentu
DILI: Fiskais partidu Congresso Nacional Reconstrução Timor-Leste (CNRT) lakohi asina akta apuramentu Munisípiu Dili nian, tanba la konkorda ho rezultadu kontajen votu, ne’ebé tuir sira sei hamosu hela duvida.
PLP Seidauk Simu Kontaktu husi FRETILIN -CNRT
DILI:Partidu Liberasaun Populár (PLP) seidauk simu komunikasaun ofisial husi partidu FRETILIN no Partidu CNRT hodi konvida ba koligasaun atu forma Sétimu Governu.
Militante ParPol 7 Afilia ba CNRT
LAUTEM : Kongresu Nasionál Rekonstrusaun Timorense (CNRT) simu tan afiliasaun husi militante partidu polítiku hitu iha suku 11 iha munisípiu Lautem.
Xanana: CNRT Tinan 10 Ukun Seidauk Halo Buat Barak
COVALIMA:Presidente Partido Congresso Nacional Reconstrucao Timorense (CNRT), Kay Rala Xanana Gusmão rekoñese nia partidu ukun tiha tinan 10 maibé seidauk halo buat barak ba progresu dezenvolvimentu ba povu no nasaun ne’e.
Xanana Lakohi Ema CNRT Partidariza Fronteira Marítima
DILI: Xefe Negosiadór liña fronteira marítima, Kay Rala Xanana Gusmão hatudu ona apresiasaun ho ona kontente hafoin luta durante tinan rua resin hodi defende soberania tasi timor nian ho Austrália iha Tribunál Ad-Hoc, Olanda.
CNRT La Ratifika Nomeiasaun PTR
DILI: Bankada CNRT iha Parlamentu Nasionál ne’ebé hetan apoiu husi Bankada FRETILIN aprejenta projetu rezolusaun hodi la ratifika nomeiasaun Prezidente Tribunal Rekursu (PTR) no husu atu suspende Prokuradór Jerál Repúblika.
Xanana Pro Emilia, Deputadu CNRT Kontra Juis
DILI: Desizaun Tribunál Distritál Dili (TDD) hodi hamonu sentensa tinan hitu (7) ba arguida Emília Pires, Deputadu CNRT konsidera juis sira halo jogada no ‘atake’ katak akordaun juis sira nian ema seluk mak hakerek.
Deputadu Bankada CNRT, Arão Noe de Jesus hateten, akordaun ne’e rasik hakerek ho pájina 100 ho lian portugés.
Deputadu ne’e deskonfia akordaun ne’e la'ós juis na’in tolu iha tribunál mak hakerek, maibé ema seluk mak hakerek no juis sira ne’e lee de’it.
“Juis na’in tolu ne’e mak hakerek (akordaun)? Ha’u la fiar? Ha’u fiar katak ema ruma hakerek husi li'ur depois haruka mai mak lee de'it,” dehan nia, iha Uma Fukun PN, horisehik.
Nia dehan respeitu separasaun podér no interdependénsia tribunál, maibé kuandu desizaun sai ona ema hotu-hotu iha koñesimentu se haree didi'ak akordaun ne’e buat barak mak la loos.
Tanba ne’e, Xanana Gusmão hasai karta aberta ba Emília no fó sai ba públiku, tanba kestiona desizaun sira ne’e.
Tuir nia, Emília Pires la merese atu simu pena prizaun tinan hitu, tanba laiha evidénsia ruma ne'ebé hatudu katak Emília halakon ka hariku-aan ho osan estadu.