Iha loron 13 fulan-Marsu , STAE halo ona formasaun ba Funsionáriu diplomátiku husi Ministériu estranjeiru no operadór nasionál sira atu bele operasionaliza sistema tabulasaun eletrónika iha eleisaun diaspora iha Portugál no Austrália no husi Munisípiu sira.
Diretór Jerál STAE Acilino Manuel Branco hateten, tabulasaun refere sei hala’o via online tanba ne’e públiku bele hetan asesu kona-ba progresu tabulasaun iha eleisaun prezidensiál 20 fulan-Marsu 2017.
Iha oportunidade ne’e Sr.Acilino Branco husu ba operador sistema hotu atu iha responsabilidade no profisionalizmu durante presta servisu iha eleisaun prezidensiál.
Entretantu, Komisaun Nasionál de Eleisaun (CNE), konvoka Plenária estra ordinária ne'ebé lidera husi Presidente CNE, Alcino de Araújo Baris, hetan mós partisipasaun maxizmu husi komisariadu sira, envolve mós Diretór jerál STAE Acilino Manuel Branco kompostu mós ho Adjunta Tulia ho nia Ekipa tékniku IT, hodi aprezenta modelu simulasaun kona ba sistema tabulasaun no apresiasaun ba aprezentasaun husi komisáriu sira iha CNE.
