PM Taur Tenke Buka Ema Seluk Substitui Kandidatu Na’in Sia Featured

By Cristina Ximenes Agostu 07, 2018 6935
Manuel Monteiro Manuel Monteiro

DILI: Prezidente Repúblika (PR), Francisco Guterres ‘Lú-Olo’ aprova ona kandidatu membru governu na’in tolu atu bele simu pose iha tempu badak nia laran.

Kandidatu membru governu ne’ebé aprovadu ona atu bele simu pose maka hanesan Samuel Marçal, nu’udar Ministru Planeamentu no Investimentu Estratéjiku (MPIE), Alfredo Pires ba Ministru Petróleu no Rekursu Minerais (MPRM), no Rogério de Araújo Mendonça asume kargu Vise Ministru Agrikultura no Peska (VMAP).

Diretór ezekutivu Asosiasaun HAK, Manuel Monteiro, kongratula membru governu na’in tolu ne’ebé atu simu pose iha tempu badak tanba hatudu durante ne’e sira la’o tuir hela dalan ka korredór lei ninia, korredór ida morál, étika tanba ne’e maka sira hetan konfiansa.

Entretantu ba membru governu na’in sia (9) seluk kontinua ne’ebé pendente Manuel Monteiro dehan, Primeiru Ministru loloos tenke destaka ona ema seluk, iha CNRT kuadru polítiku no matenek na’in ne’e barak loos. Maibé tanbasá maka troka de’it ema sia ne’e troka de’it mós kusta.

“Ami nia perspetiva, governu ne’e la'ós ona hanoin interese povu, maibé interese partidária no interese polítika ne’e maka aas liu. Ne’e iha ona indikasaun atu ba governu ne’e halo violasaun ba povu nia direitu fundamentu sira,” iha Palasiu Prezidensiál Bairru-Pité, Sesta (3/8)

Nia akersenta, direitu ekonomia, sosiál, kulturál ne’ebé kontein iha konvensaun internasionál ne’ebé ratifika, bainhira Estadu ka Governu ida halo violasaun ba ne’e tenke iha responsabilidade atu hataan ba ninia povu rasik.

Rate this item
(0 votes)

Independente Digital TV