Hernaldo : Povu Apoiu TMR ba PM Featured

By Ligia Noronha Jullu 12, 2017 1230
Kampanha Taur Matan Ruak iha Oequsse Kampanha Taur Matan Ruak iha Oequsse

DILI: Vice Prezidente Juventude Partidu libertasaun Populár (PLP) Hernaldo Gusmão hatete, Komunidade sira iha parte eis Merkadu Komoro apoiu Taur Matan Ruak ba Primeiru Ministru, tanba sira nia hakarak atu kore aan husi kiak no mukit ba moris di’ak.

Nia dehan, durante tinan 15  povu sira asiste ona katak ukun na'in sira fó prioridade ba nia interese rasik, la’ós povu nia interese.

 “Esperansa povu ida ne’e hamutuk ho Taur Matan Ruak atu kore sira husi fatin mukit ba fali situasaun ne'ebé di'ak”, dehan nia bainhira Partidu (PLP) halo diálogu aberta ho militante sira iha Eis Merkadu Komoro, Segunda (10/07).

Nia dehan, povu sira kore aan husi maubere ba hamutuk ho lider ida ne’ebé uluk lidera sira iha ai laran ne’ebé hamriik ho pensamentu liberta povu.

Nia konta, Maski fatin ida ne’e iha governasaun liu ba hetan ona eviksaun hodi  lori negosiante sira ba fali iha merkadu Manleuana, maibé kondisaun la preparadu no la benefísiu ho dignu entaun sira la konkorda ho situasaun  ne’e mai fali iha fatin ne’e.

“Ita nia governu atuál ba taka tiha dalan iha fatin ne’ebá atu  konsumidora sira labele atu mai sosa sira nia produtu”, dehan nia.

Iha fatin hanesan, Prezidente PLP Taur Matan Ruak hateten, durante mandatu hanesan Prezidente Repúblika nia la konkorda bainhira governu atu hasai povu sira ne’ebé okupa rai estadu.

“Ha’u la konkorda tanba tuir ha’u povu iha mak estadu iha no ha’u mós dehan ba sira bainhira imi hasai sira imi hasoru uluk ha’u”, dehan Taur.

Tanba, Taur dehan, koitadu loos bainhira Governu ba hasai povu la fó indiminizasaun ne’e povu atu ba hela loos iha ne’ebé?

“Atu hasai povu husi fatin ida  tenke prepara fatin ne’ebé dignu  atu labele abandona povu maubere oan sira”, dehan Eis PR ne’e.     

Rate this item
(0 votes)

Independente Digital TV