Alkatiri hateten, programa ne’ebé FRETILIN lori tun mai iha kampaña hodi konverse ba povu mak atu dezenvolve industria hodi fó kampu servisu ba joven sira no ba povu tomak.
Área produsaun ba industria sira ne’e mak relevante ba área produtivu agrikultura no mós pekuaria nian, hanesan industria ba ai-han agrikultura nian, industria na’an sira ne’e hodi nune’e konsumu produtu rasik.
“Lolo’os ne’e ita dezenvolve industria hodi fó servisu, industria iha área konsumista, konsume ai-han ita nian rasik tenke produs, na’an ita la simu, ita tenke produs rasik”, dehan Alkatiri, iha kampaña partidu FRETILIN nian, iha Vikeke, Tersa (17/4).
Nia hatutan, investimentu industria ne’e mós hodi garante ai-han lokal ba turista sira husi nasaun sira seluk iha rai ne’e.
Tanba atu dezenvolve área turizmu iha pais ne’e, área integradu maka área industria ai-han lokal sira ne’e, nune’e atrai turista sira mai iha rai laran.
“Turizmu maka ita atu dezenvolve, sa turzimu ba ita nia rain atu kopia tuir fali ne’e sala, atrai ho a-ihan lokal sira ne’e”, Alkatiri hateten.
Tanba tuir nia, luta tinan 24 ema hotu-hotu agora hakfodak halo nusa maka defende povu ki’ik ida ne’e bele luta tinan 24 bele manan ne’e segredu boot ne’e mázia boot ida ne’e maka ita tenke dezenvolve ba ita nia turizmu.
Fundadór FRETILIN ne’e la mai teoria, maibé mai atu esplika ilimiah ne’ebé sai husi ekonómia ida kuda sasán han-hemu de’it ho familia han, hemu sai ba ekonómia eskala.
Dezenvolve
Dezenvolve Ekonomia Merkadu
Ekonomia MerkaduNune’e, Sekjer Alkatiri dehan, FRETILIN sei dezenvolve ekonómia merkadu. Liga ba merkadu ekonómia ba dezenvolvimentu ne’e maka bolu ekonómia sosiál merkadu dala barak investementu públiku osan bo’ot de’it husik hela retornu ne’e halo nusa retornu maka edukasaun ne’ebé di’ak retornu maka saúde ida ne’ebé di’ak retornu maka ema servisu ne’e maka premeiru retornu.
Nia afirma, uluk minória ne’e FRETILIN fó apoiu atu kontinua to’o fim tanba hakarak pas no estabilidade, bainhira laiha buat rua ne’e maka durante ukun tinan 10 husik osan ba sira garante pas no estabilidade atu sira bele servisu didi’ak fó tan apoiu ba sira.
