Sekretáriu Jerál FRETILIN Mari Alkatiri hatete, bainhira FRETILIN kaer ukun  hakarak atu harí fundu kapitaliza ida iha nasaun ne’e.

Polítika hari fundu ne’e, nia dehan, atu halo investimentu osan ne’ebé ho nia funan buras nafatin atu osan fundu petrolíferu labele hotu.

FRETILIN hakarak veteranu no ferik katuas simu nafatin osan , bolsa da mãe kontinua la’o no halo dezenvolvimentu ba rai ida ne’e.

“ Se ita la uza didi'ak osan ke ita iha agora atu bele buras, tinan lima oin mai osan ba veteranu laiha ona, osan katuas ferik mós laiha ona no osan atu halo dezenvolvimentu de’it mós laiha ona”, dehan nia iha komísiu polítika iha postu administrasaun Hatudu-Ainaru, Sesta foin lalais ne’e.

Harii Armazenajen Restu Morais

Sekretáriu Jerál FRETILIN Mari Alkatiri orgullu ba inisiativa ne’ebé mai husi veteranu tomak husi munisípiu Ainaru ne’ebé organiza malu atu harii rasik fatin ba armazenajen hodi rai restu mortais sira.

Mari dehan, ida ne’e sai hanesan ezemplu di'ak ida ba veteranu sira seluk iha munisípiu tomak iha Timor laran atu banati tuir saida maka veteranu sira halo ona, tanba sira rasik maka tau sira nia osan hamutuk hodi hari sira nia armazenajen ida ne’e.

Haree ba inisiativa ne’ebé veteranu Ainaru, nia dehan FRETILIN kaer Governu sei fó mós insentivu atu nune’e sira bele aselera lalais sira nia konstrusaun ba armazenajen ne’e.

Iha fatin hanesan koordenadór veteranu munisípiu Ainaru Francisco Barros dehan, harii armazenajen tanba haree armazenajen ne’ebé governu harii ne’e kloot liu .

“ Ami ho ami nia inisiativu rasik, ami veteranus tomak iha Ainaro laran tomak tau hamutuk osan kuaze rihun 5 resin maka harii ami nia armajem ba eroi sira nian ne’e.” Informa 

Povu Husu FRETILIN Hadi’a Estrada

Komunidade husi postu Hatu-Udu munisípiu Ainaro husu ba FRETILIN atu kaer ukun iha tinan ne’e tenke fó prioridade hodi hadia estrada postu Hatu-Udu.

Komunidade suku Leolima Agostinho da Costa dehan, durante tinan barak govenru la fó atensaun ba estrada diresaun Hatudu-Ainaro.

Hatan ba preokusaun ne’e sekjer  FRETILIN Marí Alkatiri dehan, tempu badak  durante tempu barak ona haree katak estrada barak inagura ohin liu tiha fulan rua aat fali ona tanba laiha kualidade.                     

Polítika FRETILIN hakarak harii sistema atu garante kualidade projeitu hotu-hotu iha Timor-Leste.

“ Hau mai laos atu halo promesas ba povu, maibé atu lori programa FRETILIN nian ba povu atu  hadia povu nia moris, tanba ne’e hau husu imi fiar tomak FRETILIN atu kaer ukun atu nune’e bele hadia fali buat balun ne’ebé maka governu uluk ukun seidauk konsege halo i FRETILIN kontinua atu hadia fila fali”.