×

Atenção

JUser: :_load: Não foi possível carregar usuário com ID: 425

Print this page

Frente Mudansa sei Aumenta Subsídiu Idozus ba dolar $100 Featured

By INDEPENDENTE Jullu 10, 2017 1406
Presidente Frente Mudansa Presidente Frente Mudansa

DILI : Prezidente Partidu Frente-mudansa, José Luis Guterres, promete bainhira kaer governu sei aumenta subsídiu ba idozu sira.

LUGU dehan, nia parte sei hasa’e subsídiu husi USD $30 ba USD $100 kada fulan ba kada idozu.

Ida ne’e, nia dehan, sai hanesan kompromisu polítiku husi Frente-mudansa ne’ebé tenke implementa bainhira kaer governu.

Nia dehan, razaun husi Frente hasa’e subsídiu idozus tanba idozu sira la uza osan ne’e hodi ba pasiar iha Bali-Indonézia ka ba nasaun seluk.

Maibé, nia hatutan, idozu sira uza osan ne’e iha rai laran hodi sosa hahán no bua-malus, tan ne’e bele hamoris ekonomia rai laran.

“Se hasa’e osan ba (idozu) sira, osan ne’e la sai ba li'ur maibé iha rai laran, no sei kontribui ba prosesu dezenvolvimentu,” katak nia.

Aleinde ne’e,Lugu dehan, nia parte fó apoiu mós ba planu estratéjiku dezenvolvimentu nasionál (PEDN) ne’ebé Primeiru Ministru Kay Rala Xanana Gusmão trasa.

“(FM) Fó apoiu tomak ba PEDN, tanba planu ne’e ha’u fiar sei dezenvolve nasaun ne’e,” deklara nia.

Prezidente partidu no ne’e hatutan, esforsu FM mak oinsá bele hetan asentu iha parlamentu nasionál nune’e bele defende interese povu Timor-Leste tomak.

Rate this item
(0 votes)