Ba Militantes no apoiante sira, Partido Democratico dezde uluk defende lingua Portugues iha Asembleia Konstituante no hakerek iha Konstituisuan RDTL, tamba Timor-Leste iha Historia Libertasaun Povu kona ba lingua ne’e no uniku Nasaun nebe’e strategikamente uza lingua Portugues iha regiaun Asia.

Maibé, nia dehan, Partido Democratico nia vizaun katak bainhira PD manan iha Eleisaun Antisipada, PD sei dezemvolve lingua Portugues diak liu tan liu husi Formasaun ka kursu ba ema hotu iha Timor-Leste.

 “ Ita hakarak Kursu Portugues ne’ebé to’o iha kraik, ita hakarak ema sira iha merkadu mos hatene Portugues, Joven sira, iha uma laran mos ema hotu koalia portugues, Portugues ne’e tenke sai lingua popular, lingua populista lingua Povu nian, laos lingua elit nian depois mak ita dehan ne’e lingua official, labele ema ruma nebe’e mai regador koalia Portugues ita hanoin dehan matenek ona, maibe nia kuandu debate nia halai ba Portugues para ita labele lao tuir, ne’e la los Companheiro sira”. Hateten Assanami.

Alende ne’e ligadu ho programa Edukasaun Partido Democratico nian katak Edukasaun tenke iha Kwalidade, maibe mestre sira tenke iha Kapasidade nebe’e diak, nune’e bele hanorin jerasaun foun sira ho matenek no kwalidade. “

 Ita hakarak mestre sira kontinua hetan Kapasitasaun no iha Kwalidade, ita lakohi mestre kontratadu, ita lakohi mestre voluntario, tamba ne’e mak ita nia programa nebe’e Vice Ministra Edukasaun Lurdes Bessa halo dadauk ona identifika funsionariu kontratatu sira atu tuir prosesu ba permanente no sai professor nebe’e digno, ita hakarak iha kuriku nebe’e mak diak, halo uma ba professor sira atu bele servi edukasaun diak liu to’o iha kraik ”. Nia dehan.