Domingu, 08 Dezembru 2019 | Login
Taur ho Alkatiri Taur ho Alkatiri

Alkatiri–Taur Husu Malu Rezigna Featured

DILI: Primeiru Ministru, Mari Alkatiri, husu ba bloku Aliansa Maioria Parlamentár (AMP) atu labele hanoin aat ba VII Governu Konstitusionál.

Nune’e, nia mós husu ba Prezidente Partidu Libertasaun Populár (PLP), Taur Matan Ruak, atu rezigna-aan husi kargu portavós bloku AMP tanba sira nia Partidu la hetan votu maioria.

Alkatiri esplika, nu'udar Primeiru Ministru iha kompeténsia boot atu regula Governu Koligasaun ne’e, maibé bloku AMP labele soe propaganda atu sobu VII Governu hodi forma fali VIII Governu.

“Nia nusa la rezigna-aan. Nia mak lakon ona di'ak liu nia rezigna-aan,” deklara PM Alkatiri, iha edifísiu ZEEMS, Faról-Dili, horisehik.

Nia dehan, bainhira partidu ne’ebé lakon konfiansa ona husi povu, di'ak liu labele frustradu hodi forma bloku atu forma fali VIII Governu Konstitusionál iha tempu badak nia laran.

Ne’e duni, Xefe Governu ne’e reforsa tan katak, VII Governu ne’e la hakiduk, maibé kontinua avansa hodi ukun povu ho nasaun ne’e to’o tinan lima mai.

Maibé, atitude sira ne’ebé portavós Bloku AMP deklara ona iha públiku, Primeiru Ministru ne’e konsidera bloku AMP ne’e lakon ona, maibé iha interese hodi forma VIII Governu konstitusionál iha tempu badak nia laran.

Nia dehan, bainhira partidu sira ne’e lakon ona di'ak liu tuur hakmatek, tanba partidu sira ne’e lakon ona maibé kontinua iha interese atu ukun nasaun ne’e.  

Read 360 times
Rate this item
(0 votes)