Tuir karta aberta Xanana ba Emília Pires sita katak Prezidente Tribunál Rekursu, Guilhermino da Silva fó projetu konstrusaun tribunál ba nia família.

Tanba ne’e, Prezidente Tribunál Rekursu konsidera karta aberta Xanana Gusmão ne’e inventa no arbiru de’it, tanba nia nunka fó projetu ba nia família.

Guilhermino hateten, horisehik mak foin lee kona ba karta aberta dehan karta ne’e aberta ne’e halo ba Emília Pires, maibé iha karta ne’e mós duun nia parte fó projetu ba nia família, ne’e la loos.

“Xanana dehan ha’u fó projetu ba ha’u nia maun. Ha’u nia maun laiha. (Ha'u nia) feton mak iha. Ha’u mane mesak de'it, ne'ebé ko'alia ne’e tenke sukat labele inventa,” dehan nia, iha Tribunál Rekursu, Kaikoli, horisehik.

Ne’e duni, Guilhermino dehan, akuzasaun Xanana nian inventa de’it no laiha verdade katak nia fó projetu ba família.