Veteranu Sira Konsidera EA Solusaun Ba Impase Polítika Featured

By Pedro Alves Marsu 04, 2020 4488
Veteranu sira. Foto antigu Veteranu sira. Foto antigu

DILI: Hafoin haree ba dinámika polítika ne’ebé la’o iha nasaun ne’e, veteranu sira konsidera eleisaun antesipada nu’udar alternativa di’ak liu hodi hakotu impase polítika iha rai laran.

Paulino Monteiro ‘Maubili’ no Cornélio Gama ‘L-Sete’ konsidera impase polítika atuál difisil atu rezolve, tanba partidu polítiku sira ne'ebé asentu iha parlamentu nasionál difisil rona malu, nune’e dalan di'ak mak eleisaun antesipada.

Tuir veteranu Paulino Monteiro ‘Maubili’, dezentendimentu polítika daudaun ne’e nia dalan todan tebes, nune’e dalan di'ak atu hakotu mak eleisaun antesipada hodi povu mak eskolla sé mak merese atu ukun.

Prontu ka lae, hakarak lakohi dalan mak eleisaun antesipada” dehan nia, iha Sentru Konvensaun Dili (CCD), Segunda (2/3).

Eis-Deputadu Partidu Demokrátiku ne’e hatutan, atu hakotu impase lider sira tenke hatudu fuan ho laran oinsá atu lori ba oin.

Eleisaun antesipada la’ós buat foun iha mundu, nia fó ezemplu, iha Alemaña eleisaun antesipada dala 5 tuituir malu.

Atu hakotu impase lalais mak eleisaun antesipada bele fó ona satisfasaun katak demokrasia mak hanesan ne’e”, tenik Eis-deputadu ne’e.

Fatin hanesan, veteranu Cornélio Gama ‘L-Sete’ hateten, partidu ne’e oras ne’e ukun Timor veteranu iha hotu laran, nune’e ko'alia la rona malu tanba mai husi rezisténsia hotu. Loloos presiza hamutuk, maibé daudaun la hamutuk ona oinsá atu avansa dezenvolvimentu nasionál.

Ha’u dehan situasaun agora ba eleisaun antesipada, tanba rezolve labele ona tanba Prezidente (Repúblika) mantein Primeiru Ministru, maibé ho de'it kadeira ualu labele ukun, nune’e eleisaun (antesipada) maka solusaun di'ak hodi fó povu deside fali atu sé mak merese atu ukun”, tenik nia.

Rate this item
(0 votes)

Independente Digital TV