×

Atenção

JUser: :_load: Não foi possível carregar usuário com ID: 425

Print this page

TL sai Ezemplár Toleránsia Relijioza Ba Mundu Tomak Featured

By Artur da Luz Juñu 27, 2017 1029
Loron Idul Fitri tinan 2017 Loron Idul Fitri tinan 2017

DILI: Komunidade Musulmanu Timor -Leste hakotu jejún durante fulan ida ho haksolok hodi selebra loron Idul Fitri.

Komunidade Musulmanu TL, Mari Amude Bin Alkatiri hatete, iha loron 30 sakrifika-aan halo jejún hodi halo reflesaun fó dame ba malu, ne’ebé importante ba komunidade musulmanu sira iha mundu tomak.

Tuir nia, Timor-Leste sai ezemplu di'ak ba mundu tomak kona-ba toleránsia relijioza. Komunidade musulmanu ho porsentu ne’ebé natoon eziste iha país ne’e, maibé la kria konflitu relijiaun ba rai ne’e.

“Ita nia nasaun sai ezemplu di'ak ba mundu tomak, tanba ha’u rasik mós hola parte iha prosesu ne’e”, dehan Alkatiri hafoin selebra Idul Fitri, iha Masjid An-Nur, Kampu Alor-Dili, Domingu (25/6).

Nia dehan, maski iha lakuna balun entre relijiaun rua ne’e, maibé toleránsia makaas, la kria inimigu hodi sobu estabilidade país ne’e.

Nia afirma, maski Timor-Leste maioria domina husi relijiaun Katólika, maibé durante ne’e fó toleránsia másimu ba komunidade musulmanu ho relijiaun seluk kontinua hametin pás ho dame.

Iha fatin hanesan, Sekretáriu Jerál Konsellu Superiór Musulmanu Timor-Leste (KONESTIL), Boaventura Soares da Silva hatete, komunidade musulmanu mundu tomak fulan tomak halo jejún hodi haksolok selebra Idul Fitri.

Tuir Nia, iha Idul Fitri importante halo komunidade musulmanu mundu tomak kore-aan husi jejún durante fulan ida sakrifika aan tuir doutrina relijiaun nian.

Nia dehan, maski musulmanu Timor-Leste nia porsentu maioria, maibé Timor-Leste nasaun ida ne’ebé liberdade mais úniku iha mundu, la kria konflitu entre relijiaun tanba toleránsia makaas.

Tuir nia, maski sidadaun timoroan barak maka iha ida-idak nia fé, maibé tinan barak ona Timor hetan ukun aan laiha konflitu entre relijiaun.

Tanba ne’e nia dehan, importante maka ida-idak nia konxiénsia maski fiar diferente, maibé hotu-hotu adora ba Maromak.

PR Lú-Olo Saúda Musulmanu TL

Prezidente Repúblika, Francisco Guterres ‘Lú-Olo’ louva no saúda komunidade musulmanu tanba durante ne’e kontribui makaas ba pás estabilidade, ekonomia no dezenvolvimentu iha Timor Leste.

Lú-Olo hateten, Idul Fitri nu’udar festa espirituál ne'ebé hasa’e aas renovasaun rekonsiliasaun ho dame hodi hakbiit toleránsia no dame amizade ne'ebé ema hotu hakarak atu di'ak ba beibeik iha rai doben TL.

“Komunidade musulmanu sira mós servisu makaas hodi kontribui ba pás estabilidade ekonomia ba dezenvolvimentu TL nian”, tenik nia, iha selebrasaun Idul Fitri, iha Meskita Kampun Alor, Domingu (25/6).

Hanesan Xefe Estadu la haluha hato’o mós ninia amizade ba komunidade tomak musulmanu iha TL, tanba amizade ne’e boot tebes. La haree ba kór no relijiaun, ema hotu-hotu hamutuk sei haburas no habelar TL ba beibeik liu husi domin no pás entre ema ida-idak no komunidade hotu iha TL.

Rate this item
(0 votes)