Sexta, 10 Abril 2020 | Login
TL Entrega Ona Rihun $750 ba Indonesia

TL Entrega Ona Rihun $750 ba Indonesia Featured

DILI:Governu Timor-Leste ofisialmente entrega ona osan rihun $750 ba vítimas rai nakadoko iha Lombok-Indonézia.

Simbolikamente osan ne’e entrega ho ceke (check) liu husi Embaxadór Isílio Coelho, nuudar Diretór Jerál assuntu Bilaterais Ministériu Negósio Estranjeiru no Kooperasaun ba reprezentate Embaixada Indonézia iha Dili, Novita Supit, iha sesta-feira ohin (03/8), iha Institutu Diplomatika MNEC.

Total apoiu finanseiru umanitaria ba nasaun rua, Indonesia ho Laos ne’e hamutuk millaun $1.5 dollar Amerika, ne’ebé aprova liu husi Konsellu Ministrus iha loron 1 fulan-Agosto tinan 2018.

Antes ne’e tuir komunikadu Gabinete Primeiru Ministru, katak total apoiu finanseiru hamutuk rihun $750 ba nasaun rua Indonesia no Laos, maibé hafoin portal website jornal INDEPENDENTE konfirma fali media Gabinete Ministériu Negósio Estranjeiru no Kooperasaun, sesta ohin katak husi osan rihun $750 ba nasaun ida.

Entretantu apoiu úmanitaria ba nasaun Laos ne’e sei iha prosesu nia laran.

Apoiu finanseiru ne’e ho karate úmanitaria ba nasaun viziñu Indonesia, ne’ebé rai halai rejulta ema na’in 11 mate, no apoiu úmanitaria ba Laos, ne’ebé afeita husi barazen nakfera rejulta sidadaun barak mak sai vitima.

Diretór Asuntus Sudueste Aziatiku no Oseania Lisualdo Gaspar informa katak serimónia ne’e atu implementa desizaun Konsellu Ministru ne’ebé deside atu fó ajuda ho montante total $750,000 (Dolar Rihun Atus Hitu Lima Nulu ) nu’udár sinál solidariedade ba Governu Indonézia no vitimas sira iha Lombok.

Diretór ne’e informa ba jornalista sira katak prosesu tuir mai, MNEK sei koordena ho Ministériu Planu no Finansas nomós Governu Indonézia hodi halo transferénsia ajuda umanitária ne’e.

Read 2569 times
Rate this item
(0 votes)

About Author

MidAd1